Beyendeza twelve

Chapter twelve.
Bwanyima yokumanyana kurungi.Byenaku,Kahonaho,hamwe Na Beyendeza bakatandiika kukwatagana hamwe omu bintu byingyi.
Aho niho Byenaku yaboneirre amaani omubyokushwera omukundwa weye.
Eizooba eryo,Kahonaho ayeta Beyendeza amugyira ati:
"Ninyenda ngu tuze ahamwanya, hariho ekyindikwenda ngu tumaririze.
Batyo bagyenda kubugana Zinku hamwe na Bikoome.
Kahonaho abagyira ati:
"Nimwijuka wamwishiki owunabeire ninyeshengyereza?"
Bamugarukamu bati:
" eego"
"Ninyenda ngu munyambe kumurarebe omusheija orikumukwana,imwe mumuhumuze,okugyira ngu omwishiki angarukyire nanye mushwere,ahabwokuba nkyamukunda."
Boona bahamya okubasa kuronda ogwe weena owabeire naza kushwera Kemi..
Kyikaba nikyiza kukorwa ahabwokugyira ngu Kahonaho,akaba nayenda ngu embaga ya Byenaku Ku erahwemu,nawe atunge omukazi,batyo bagaruze ekitinisa kyabazeire baabo.
Mbwenu obu ababeire bayegeitsire,kyikaba nikyiza kubayamba okubasa kusasirana kurungi baba brine Abakazi.
Batyo bagyenda.
Konka,hoona kubamazire okumanyana nkabarikuzarwa kumwe,ebyo kuguma nibeita abantu batandiika kubirugamu mpora,konka baguma nibasindika Zinku hamwe na Bikoome okukora emirimo.
Mbwenu eizooba rimwe,Byenaku akaba ariyo avugyire emotoka yeye ayiinemu Kemi,ariyo namutwara okumwanjulira bene ishe,nikwo kugwa omubazigu ababeire batwire nibabaronda.
Byenaku arwanamunonga okubasiga,konka emotoka agyitera ahankungu.Zinku arekura eisasi rikwata Kemi aferaho.
Mbwenu,Zinku na Bikoome,bakaaba nibamanya ngu beita omusheija,konka ekyobusaasi bashandaza omukazi.
Omukubanza,kuyarebire Byenaku,bakaaba batarikumanya ngu ayiine omu ari okumanyana na kahonaho.
Batyo beiruka bagyenda bategyereza akaabo.
Byenaku,ayamuza,konka tihaine owabasiize kumuyamba.atyo aterera Kahonaho esimu kuyagwa imubuzibu.
ahonaho,Beyendeza,Byondo na Kahonaho beja nibiruka okureeba ekyabaho.
Omukuhiika omu mwanya,baterwa nkekuba,boona batetema,bashusha nkabakabire.
Obwe Byenaku akaba arikurira nkomwana.
Aho,Byondo ayenda nkokushandara,ayimutsya amaisho areeba Kemi abyami ahansi eshagama emwotoreirwe.
Boona bashoberwa,reero Kahonaho akwata emotoka ayiruka,agyishenya omu rusharara. Enyima bimukwata,kandi atunga obuhuta.
Beyendeza we akaba atarikumanya kuyabeire nikyigyenda omu meisho.
Mbwenu Byenaku kuyayimukyize amaisho he,ayongyera kushoberwa,atyo atandiika kuronda omugoyi okwehanika,konka gubura.tihaine owabeire nayehiga nomwe.Byenaku,akwata emotoka ateekamu omurambo,Beyendeza amuvuga batyo bakurata Byondo hamwe na Kahonaho.
Kuyabeire bahiika haihi norurembo,nareeba emotoka ya Kahonaho egwire omurufunjo.
Batyo emereera,bairuka,bashanga Kahonaho ariyo nataka.
Bagyihondahonda,aho niho abebyokwerinda bayizire,bakashanga butandu.
Bakwata omutumbi gwa Kemi bagutwara,kandi Kahonaho ayurikyizibwa omwirwariro.

Bwanyima yebiro bikye,Kahonaho,atandiika kutereera,kandi hoona Byenaku abasa kusasibwa,ahabwokuba amarwa omu biyabeire Atarikwetegyereza.
Mbwenu Zinku Na Bikoome kuyarebire batashashurwa,basharamu okurumba Kahonaho okumwita,ahabwokuba bakatekateka ngu Akenda kubaryamu orukwe.
Omubiro bikye,batyo baza owa Kahonaho,bashanga Beyendeza ariyo nagoroira ebijwaro.
Bamubuza bati:
"Owe seebo,Okaturtamu orukwe,owe Na mwenesho mwatukozesa,mwayanga kutushashura.Nahabwekyo,nooza kukyishashurira.
Atyo Bikoome,amutera eisaasi,aferaho.konka kuyabeire Tamara kutera eisaasi,bamara kushohora aheru,Kahonaho akaba abahuriire byona ebibabeire nibagambaki.
Nikwo kukwata embundu ibiri,akabaretwa enyima,atyo akabatera bakaferaho.
Bukaba buri ekiro,atyo kahonaho akwata emitumni agyenda kugyinaga omumurindi.