Beyendeza five

Chapter five.
Bwanyima yemyaka ebiri,Byenaku akaba yamanyiriire. Atyo atandika kugumizamu nemirimo ye eyokurisa amatungo hamwe nokuhinga.
Omwebazyo gumwe hahweireho esabiti ibiri ajagwize amazarwa ge,Byenaku aketwa mwene'ishe Beyendeza,owabeire atarikumwendera kimwe. Atyo,Byenaku ataaha omunju,nokutiina,ahabwokuba kyikaba kyitari ekyabureijo.
Beyendeza akaba ashutami aha katebe akabeire kakozirwe omu kyiti kyekiko.
Amugyira ati."shutama ahompaho."obwe arikumworeka omukyeeka ogwabeire guri haihi.
Atyo,Byenaku akora nkoku mukuru we yamugambiire.
Reero Beyendeza amugyira ati:
"Ente zaawe ibiri ninzenda. Nkuherezemu zingahe?"
Ekyi kyongyera okutinisa Byenaku. Atyo amugarukamu ati:
"Nooha owakugyira ngu ninziguza? Nyowe tinkaguza."
Reero Beyendeza amugira ati:
"Ninza kukozesa amaani gangye nzitwariire nabusha. Iwe mushema we."
Ekyi kyongyera kuteganisa Byenaku,atyo ashohora.
Ebigambo byaingi byokuhereburana bikagambwa,konka kandi hoona Byenaku kuyamazire,yasharamu yagyenda omururembo.

Omwebazyo ogwo,Byenaku kuyabeire ariyo nagaruka omuka,abugana abasigazi bashatu besherekyire ahamaisho,bamutera kakye okumwiita.
Atyo ayimuka,atandika kukooza mpora arikugaruka omuka.
Abamuteire,tarabasize kubamanya,konka kandi bwana muto bati miss nawe kunibaza kumwita nkoku bayitsire on kundwa weye.
Aho,Byenaku ayongyera kutiina munonga.
Nikwo kusharamu okurekyeraho kutambura obwire bwomwebazyo.
Buri muntu weena aha kyaro akamwanga munonga,ekyamureteire yakooha akahwamu namaani.
Beyendeza atyo atandika nokweguriza ebintu by'ishe esente azitwaara omukunywa amarwa.
Eizooba rimwe, Byenaku akeimuka omukasheshe Kare munonga, ayorekyerera orurembo.
Akaba ayine ekishaho kyirimu ebijwaro byeye.
Atyo ajwara enkeito atambura naaza omu rurembo.
Tihaine muntu nomwe owamurebireho.
Obwe omunshaho akaaba ayinemu akasente kakye munonga nikwo kuza omuri "Kyibaruma" emotoka eyabeire neza Kampala.
Orugyendo rukaba rureingwa,kandi hoona Byenaku akaba atakazayoga. Nahuyabeire naaza,akaba atarikuhamanya.
Eizooba eryo,Byenaku asharamu ebyokuguma nabonabonera omukyaro abirekyeraaho,asharamu kugyenda Kampala kuronda amagara matsya.
Kuyahikyire omururembo Kampala ,obwire bukaaba bwagyenzire,kandi hoona ateine ahokuraara. Nikwo kuguma omu motooka eyamuretsire.
Konka kigyingyi kuyamurebire,amugyira ati:
"Seebo,Kampala twahikayo,shohora turikugaruka kabale."
Atyo Byenaku ashohora atandiika kutambura atarikumanya ahu yabeire arikuza.
Akaba ayiine enjara,nikwo kugura eminece ebiri yonka.
Kuyabeire natambura omumwebazo ogwo murungi,abugaana omusheija owabeire ayiine amaisho makye,kandi ashazire eishoki rye nkabajungu.
Amubuuza ati:
"Gyebare ko seebo"
Aho,Byenaku aburwa ekyokugarukamu ahakuba akaba atari kumanya orurimi.
Mbwenu ogwo musheija kuyamurebire,a manya ngu weeza yabugana omunyakyaro.
Atyo atandiika kumugyira ati:
"Nomanya Ruhanga?"
Byenaku amugarukamu ati:
"Hati nakwetegyereza,nimumanyira kyimwe."
Batyo batandiika kuganiira omururimi oru Byenaku yabeire nayetegyereza kurungi.
Reero omusheija omugira ati:
"Ndyomuburizi,kandi twine ekiterane ahari Nakivubo."
Omukuba akyiriyo namugambira,haija ondiijo mushaija mureingwa nawe amwakura ati.
"Omusumba gyebareko."
Konka kandi ekyigambo "omusumba,Byenaku akaba atarikukimanya.
Mbwenu,omusheija ogwe nawe ayoreka Byenaku Ku hariho ekyiterane nkoku omuburizi yamugambiire.
Batyo,bamushaba okutega engaro kushaba ekyi arikwenda Ruhanga amukorere.
Byenaku nawe engaro azitega,obwe abasheija babiri bamuteire ahagati.
Bwanyima,Omusheija owabeire nagyira ngu nomuburizi,akwaata akabare akata ahangaro za Byenaku Katyo kamuburiramu.
Omubulizi ogu atandiika kutinisa Byenaku kunaza kufa KABALE katarugyiremu.
Aho,Byenaku aba nkekyishushani,atyo atandiika kukwata omunshaho,abahereza esente eziyabeire ayine zoona.
Omubulizi amugyira ati:
" Rooko oreete esente ezoyiine."
Konka nobwooba bwingyi,Byenaku amuhereza ekyikapu kyirimu ebijwaro,atyo agyenda.
Kuyabeire yatamburaho kakye,agarukamu amagezi,atandiika kuriira.
Atyo,agaruka enyima kureeba about bashaija baba bakyariho,konka ashanga boona bayegyendeire.
Mbwenu kuyabeire aryaho akyiriyo ashobeirwe,abugaana omukazi naawe ariyo naaza omubyeye.
Amwemereza,amugyira ati:,"omukazi we,gyenda bye,hanuya hariho abashuma Tamara kunyiba niiwe batakwiba."
Omukazi amugarukamu ati.
"Bambe hanuya hariho abafere."
Atyo omukazi ashaasha nawe amuhereza enkumi ibiri zimuhitsye ahuyabeire naaza.
Konka Byenaku,tarabasize kushobororera omukazi ogu,ebirikumukwataho.
Reero agumizamu atambura kandi hoona obwire bukaba buri obwekyiro.
Areeba ahansi yomuhanda hariho ekyiina kyihango,ashumayo abyama, okuhitsya omukasheeshe.