Beyendeza seven

Chapter seven.
Omukasheshe ako,eiguru rikaba ryeine ebicu birikwiragura, kandi hoona hariho nomuyaga mwingyi munonga,ekyareteire Beyendeza yagyenda omwirisizo kureeba ente zeye. Akaba ayiine Abakozi barikuhiika makumi ashatu, boona barikukora omukureberera ente hamwe nokukama amate.Mbwenu bwanyima yemyaka maingi eyi yamazire nakora,owabeire aza omukyaro kya Nyabwiina ,akaba narebera okutangaara.
Akaba ayiine endogoya mukaga ezabeire nizitambuza bimwe ahabihingwa byeye.
Eizooba eryo,akaba nayenda kuza kureta omukazi owuyabeire atsigwire kumara obwire buraingwa.,konka kandi Nakku atarikumumwendeza
Atyo agambira Bisinsino,omwe aha bakozi beye ati:
"Erizooba ninyenda ngu mubaage ente ibiri ahabwokuba twiine abagyenyi."
Reero Bisinsino atyo ayiruka agambira bagyenzi beye nkoku omugeiga yabaragyiire.
Ahabwabantu bekyaro kuterwa enjara obwire bwingyi, Beyendeza akaba nagura amataka gaabo,konka batarikumanya ahuyabeire arikwiha esente.
Atyo,Beyendeza akwata empare eyabeire egorwirwe kurungi.
Owabeire mamureeba,akaba agyira ati ego weeza,omwana ayiine esente.
Kuyabeire yahiika omukishengye kyeye ariyo naronda omweeko,ahurira eiraka nirimugyira riiti."agyenda mpora,ogwo omukazi oworikuza kureeba baza kukuretera ebizibu."
Atyo ayigura orwigi omukishengye ekindi kuyabeire kyitakutahwamu buri muntu weena. Atyo akwata enkoni eyi Nakku yamuhaire,agyitera aha rusiika,eryo ehinduka enjoka.
Taragyizire kutiina kwingyi, ahabwokuba ekaba emumanyiriire. Enjoka amugyira eyi:
"Iwe mwana,mwenesho ari Kampala kandi akaboona esente.waaba otentonzire,naaza kwija ebintu ebyo abikwihemu. Nahabwekyo,nobasa byona kubiguza bukyari kare,ogyende omuri Kampala naiwe otandiika okore ezindi.
Manya omuri Kampala hariyo abantu baingi,kandi esente ziriyo,ahabwokuba Nakku nayenda abo bantu bekibuga."
Enjoka etyo ebura.
Reero aho Beyendeza atandiika kutiina munonga.
Omukanya kakye,ahurira esimu eriyo nejumera,nikwo kugyakyira.
Mbwenu omukazi owu Beyendeza yabeire naaza kushwera,kuyabeire yahiika haihi nekyanga ekyi Beyendeza yabeire nazarwamu,habaho butandu kandi nawe aferamu.
Beyendeza kuyakyihuriire,ayeshwaniriza nkowaba ataine owarikumanya omuri butandu eyabaho.
Kyikamubera nkomugisha ahabwokuba Nakku akaba namubanja.
Atyo ashohora abuza abapakasi beye ati:
"Ente mwana mwagyibagyire?
Batyo bamugarukamu bati:
" twaba twashazire emwe,konka endiijo twaba tutakagyibagyire."
Aho,Beyendeza abagambira Ku barekyeraho okubaga,ahabwokuba abagyenyi beye bamutereera esimu kubatarikuza okwija. Nikwo kubaragira okurya kandi bakashemererwa negyo eyabeire yabagyirwe.
Enjura etyo etandiika kurwa.
Mbwenu enjura kuyahweireyo,Beyendeza aguma nayebuza ahaby'enjoka yamugambire,aronda ekyokukora kyibura.
Atyo basharamu kuza owa Nakku kumubuza ekyokukora.
Eizooba eryo,Beyendeza akasiiba ari nkomushazi,nikwo kuhiika owa Nakku weena arikureta etuutu.
Nakku amugyira ati:
"Kanyesige ngu ebi nakugambira wabihurira."
Beyendeza ayongyera kushoberwa.
Nakku akaba arabiire omunjoka okuhitsya obutumwa bwe ahari Beyendeza.
Atyo Nakku amugyira ati:
"Mbwenu hatiya ba ruhanga bangye tibakyayenda eshagama yabanyakyaro. Gyyenda oze omururembo Kampala,noza kutunga buri muntu wakyiika kyona. Okore ekyirikubasiika.
Nooza kutsingura kandi one omugeiga ruranganwa okukyira bati.
Reero Beyendeza amubuuza ati:
" Kandi shi ebintu ebinyiine mbiteke nkahi?
Nakku amugarukamu ati:
"Ebyo nubusha tibikwiniire mugasho obirekye nkokubiri."
Ago,BeyendeA anyomboroka mpora ashuma orushozi agaruka owe.
Omwebazyo obwe,NeywndeA tarabasize kubyama omunju ye.
Nikwo kuronda akakyeeka keys,atyo akwata ahansi abyama haihi nekyigo ky'endogoya.
Bwanyima yemyezi mukaaga,ebintu ebi yabeire ayiine batandiika kukyendera mpora mpora.
Abakazi baingi batoroka aha mirimo yaabo,kandi bwingyi omuribo bakaaba batoroka nebintu.
Mbwenu Beyendeza kuyarebire ebintu bye biriyo nibihwerekyerera,asharamu kuguza bimwe ahabiyabeire atsigaize.
Abantu baingi batandiika kutangara nokwebuuza ekyabeire aha mutsigazi ogu.
Ahabwokugyira ngu akaba ayiine esente nyingyi,nabahagyizi akaba ayiine baingyi.
Mbwenu kuyaronzire ekyokukora kyikabura,basharamu kugyenda Kampala okupakasa nkoku Nakku yabeire amuragire okukora
Atyo agyenda omu kibuga.
Omubintu byona ebi ishe yabeire atsigyire,tihaine kyintu nakyimwe ekyayabeire kyikyariho.
Omurimo gwe omuri kampala,gukaaba buri ogwo kuronda obugeiga bwana "Nakku"