Beyendeza nine

Chapter nine.
Ebiteekateko bya Byenaku byona bikaba bigyendereire okushwera Rita. Mbwenu orunaku orwo, nibwo Rita yashaziremu  kubugana Byenaku.
Kyikabaho,kushanga Rita yayizire ajwire kurungi ahabwokuba okurugyiriira okuyashangyire Byenaku,akaba ari omuntu wobujunanizibwa.
Nikwo kushutama,akamugira ati:
"Onsaasire okukyerererwa"
Reero we Byenaku atandiika kumwenya amatama agumize ati:
"Tinyine shonga hoona."
Atyo Byenaku,atandiika kumugambira okuyabonabwine munonga,kandi hoona Ku niyo shaaha okutunga omuhwezi.
Byenaku akaba aryomusheija owabeire nagampa mpora,kandi abantu bwingyi bakaaba bamwikiririzamu.
Nikwo kugambira Rita byoona ebiri kumutwara go.
Ekyakyerizeyo okumukundisa Rita,nokugyira ngu omukundwa weye iwabandize,akaba nashushana na Rita omuri buri kyimwe.
Mbwenu kuyabeire yamara kweshobororaho,Rita ayehurikyiriira,amugyira ati:
"Ekyokubanza kya byona, ninyenda onsaasire okukubeiha eiziina ryangye. Nyowe nibanyeta kemihegyeyo tindi Rita.
Nomanya Kampala,tokufa kuba oryaho okahiika nogambira buri muntu amaziima geye.
Abantu baingyi nibanyeta Kemi."
Konka bambe,Byenaku ekyo tikyiramuremeise  okwongyera okumukunda.
Obwe abagabuzi bongyera bareeta ebyokunywa.
Omwebazyo obwe,Kemi akataaha weena ashemereirwe,ahabwokugyira ngu yaboona omusheija orikutwaza mpora,Atari nka Byondo.
Konka nobu arabe ya boona qmani masya,ekyishushani kya Kahonaho kyimugumamu.
Enyimaaho,Kahonaho akaba yamuraganise ngu ku aryeyetekateka kurungi amugambire batyo bakore amaka.
Atandiika kwebuza ekyokukora kyimuburiira.
Okuba akyiry'aho ashobeirwe,ahuriira abantu aheru yekyikaari bariyo nibayomba.
Ashohora kureeba ekyabayo,konka ashanga abaturagye bamara kukwata omushuma. Reero nikwo kwegarukyira omunju.
Kemihegyeyo akaba ayiine akanyiriiro Kamanzi,kandi hoona buri omusheija owabeire amwenda,akaba nakora ekyirikubasika kumutunga.
Okurug'obwe,Kemihegyeyo atandiika kuhinduka ahamitwarize okukyira munonga omunjwara.
Bwanyima yebiro bikye,Kemihegyeyo(Kemi) atandiika kwetekatekyera okushwerwa Byenaku,konka kandi tarabasize kugambira Kahonaho hamwe na Byondo.
Ahabwokugyira ngu Byenaku akaba nayekozesa,kyikaba kyigumire kumanya yaba namanya Kahonaho.
Nangwa we bambe Byondo,ebyeye byona bikana byahweire.
Mbwenu Kemi atyo asharamu kuguma nayanga no kukwata esimu ezirikuruga owa Kahonaho.