Chapter four.
Eizooba ery'orwamukaaga,abantu baingi,bakaba nibakunda okuza' omukatare,okukora kandi hamwe n'okugura ebintu.
Seforoza, omukazi owabeire ayiine omwana omwe,akaba atakayosha eizooba na rimwe.
Seforoza,omukazi owabeire nakunda Ruhanga omukasheshe ako,akasharamu okubanza yaraba aha kanisa kushaba nokuhimbisa Ruhanga nkokuyabeire atweire nakora.
Atyo ayimuka,atandika kwetereeza.Kuyarebire eizooba nirimurinkana,ayongyeramu obwiira ahabwokuba eshaaha zikaba zamukwaata.
Ahabwokugira ngu akaba ary'omushubuzi,akatare kakaba nikaza kumurenga. Nikwo kuza omu kishengye eki Keirungi yabeire naraaramu, okumwimusya ngu obundi akabaasa okumuyambaho.
Kuyahikyire omukishengye,ashoberwa,konka kandi ayijuka ku omuhara abeire agyiire owa nyinento.
Nikwo kutandika okugamba wenka agumize ati:
"ogu muhara obuyatandika kuraara omu maka atagambire hoona tiyaza okundema?"
Keirungi akaba ary'omwana omwe nyamunegyere owu Rwabyooma yasigire,kandi nyina Seforoza,akaba namukundo munonga.
Kuyabeire akyiriyo nayetombeitwa,ahurira enduru nejuga omurufunjo.
Obwire obwe,enduru kuyabeire egamba,omanya ngu haine ekyabaho.
Nikwo Seforoza kwiruka arikworekyerera orufunjo ahu enduru yabeire neretwa.
Omukuhikayo,tarabasize kwikyiriza ebi abuyabugeine babaire nibamugambira.
Atyo ahurira obuhuruzi omumabere,nangwa nameisho gatandiika okucuuka,ashwa nk'omwana bwanyima y'okureba omuhara abyami omurufunjo.
Akasheeshe ako hakabaho akajagararo Kamani,obwe abeby'okwerinda bariyo nibakora ogwaabo.
Abataka abahiikire omumwanya'ogu,batandika kwebuza aha'bintu ebyabeireho omukiro ekyo.
Nikwo kutandika kwebuuza bagumize bati:
"Ogu mwana mwijukuru wa Ruzoora natekwa kutebya enfa yogumwishiki."
Mbwenu abebyokwerinda kubahuriire ebi,batyo bayiruka baaza omwirwariiro ryomurugano eyi Byenaku yabeire atweirwe ekiro ekyo.
Ahabwokugyira ngu byenaku akaba akwatsirwe ekiro,hakaba hatariho kubuza,owayiysire Keirungi.
Bwanyima yeshaaha nkye,Beyendeza anyomboroka mpora ahika omumwanya,nawe ashobeirwe. Kuyarebire omutuunga gw'eshagama,atandika okurira nk'omwana,agumize ati:
"Konka Mbwenu abantu bensi egi."
Abataka ababeire bariho batandika kumubuza yaba yarebireho mwene'ishe Byenaku.
Konka bambe, Beyendeza abahamisiriza Ku yabeire ataine ekyi arikumanya. Abagarukamu ati:
"Ninyijuka nyomwebazyo arikungambira ngu nayenda kuza ahari " Kahwa Kanuzire,kandi nayenda kugyenda na Keirungi. Baitu tunkumanya yaba agyireyo."
Aho,abebyokwerinda,batwara Beyendeza omu kihome okwenda kwanguhigwa omukucondooza abaisire omwishiki murungi.
Batyo,bakwatanisa hamwe baterura omutumbi,bagutwara nkoku abebyokwerinda baragyiire.
Bwanyima yeshaaha nkye,Byenaku owabeire ari aha kitanda,ahurira okufa kw'omukundwa we,atyo ashoberwa,nangwa atandika n'okuteera orwari,okuhisya obu abashaho bamucurerize.
Okucondooza kutyo kugyenda omumeisho,obwe abeby'okwerinda bashaba abakuru ah'eirwariro,okubahereza orusa okubaasa okugamba nomurweire.
Reero aho,abebyokwerinda bataaha omukishengye ekyi Byenaku yabeire abyamimu,nangwa bamushanga nawe ary'omumbeera omumbera ezitaboneire.
Kubamurebire,
Bamubuza bati.: Obeire ki mwanawe?"
Mbwenu Byenaku kuyabarebire,akagira obwoba,ahabwokuba bakaba bajwaire ebijwaro byab'okwerinda.
Atyo abagarukamu ati:,"Abataka banyokize banyesire omushuma."
Kuyabeire ariyo nabagambira ebibeireho ekiro,omwe ahabyokwerinda ashuna mutahi we agumize ati.
"Tugyende,eki nikimara."
Batyo bashohora,baragyira abakuru omwirwariro eri,okutahereza omurwire orusa rwokugyenda batarikukimanya.
Aho,orikukuriira abebyokwerinda omukyanga,owabeire namanywa nka Ndinzi,atwaro ebihandiiko bikuru omu kishenye ekibabeire batisizamu nka abebyokwerinda.
Obwe,abataka ahakyaro kyona bakaaba bakyashobeirwe,ahabwokuba okwitwa kwa Keirungi kukabamaraho eishoki ahamutwe.
Bwanyima yebiro mukaaga,Beyendeza owabeire akomirwe arekurwa.konka bamushaba okuguma nayija okwehozaho. Obwe,eirwariiro rikaba rimazire kuhamisiriza abebyokwerinda Ku omurwaire ariyo nakyira kurungi.
Batyo,abebyokwerinda, bakwata Byenaku,bamutwara omukihome.
Okurondora omushangi kutyo kugyenda omumeisho,nangwa Na nyinento wa Keirungi bamukoma.
Omukazi owabeire arikumanywa omu rurembo nka mama waboona,niiwe yabeire ari nyinento,konka bambe ayehakana ebyomuhara kutayaaya oweye.
Okurugyiriira ahabigambo bya Seforoza,Keirungi akaaba agyire kutayayira"mama waboona" ori nyinento.
Nahabwekyo,akwata naawe aterwa omukihome.
Omubiro ikumi eyabeire bihwireho,abantu barikuhiika omuri ikumi bakakwatwa kandi nangwa bakyingyirwa abebyokwerinda.
Bwanyima yebiro ikumi na mushanju,abebyokwerinda bagumizamu nokucondooza. Batyo,baza ahari "kahwa kanuzire" kuronda amazima ahabyokufa kwa Keirungi.
Kyikashangwa ngu eizooba eryo,Keirungi atakeisirwe,Keirungi na Byenaku bakaba bari hamwe omu mwanya nigwo gumwe.
Ekyi kyayongyera kuyamba "mama wa boona" okuruga omukihome.
Obwire obwingyi,abaana bakaba nibakyira kubeiha abazeire baabo,okukyira munonga kubabeire benda kukora ebyabo.
Bwanyima y'emyezi mukaaga,Seforoza,omushomi mukuru,asharamu kusaasira abo boona ababeire nibatekatekwaho okwita omuhara.
Atyo,ahandikyira abebyokwerinda ebaruha erikugyira eti:
Nyabwina cell
Kabale
Ahari abebyokwerinda.
Nimbaramusya omwiziina rya tataitwe.
Bwanyima yebiro byingyi omwana wangye ayitsirwe,ninshaba Ku musasira abo boona abarikutekatekwaho kuba baysire omwana wangye.
Baibuli negira ngu tusasire abatushagiza,Mbwenu nyowe nahikiriza orwangye.
Nobu bakuboneka,omwana wangye takyigaruka.
Nahabwekyo naba ninshaba ngu boona abakomirwe mubarekure.
Mwebare.
Ninye Seforoza.
Ebaruha egi ekongyera amaani omuri abo boona ababeire basibirwe,konka kandi Beyendeza kuyabihurire,asharamu okwesharinga agumize ati:
"Amagara g'omuntu tigeine okuzanirwaho,naaba ninshaba ngu Byenaku akomwe okuhisya obwarifa."
Konka bwanyima yebiro bikye,boona ababeire bakomirwe bayihwaho emishango.
Abantu boona batandika kureeba Byenaku nk'omuntu oteine omutima murungi,kunayeshereka omu kuhimbisa Ruhanga konka.
Mbwenu hati,obwesigye bwona,batandika okubuteka ahari Beyendeza.
Byenaku kuyabeire agamba,abantu boona batandika kumuhunga barikumweta omwisi.
N'omushomesa owabeire akyira okumwikyiririzamu,atyo atandika kumurugamu.
No comments:
Post a Comment