Beyendeza eight

Chapter eight.
Rukundo ni rukundo bagyenzi.Mbwenu abatsigazi ababeire bakunda kukwatakwata nibo ababeire baijwire omu kibuga. Kandi hoona nabeishiki barungi,abu Ruhanga yahunzire kurungi nibo babeire baijwire omu kibuga.
Eizooba eryo,omushana gukaaba nigwata oruhara. Okubona amaizi gokunywa, gukaaba buri omugisha Mbwenu. Reero Byenaku atyo ayemereza emotoka yeye ensya omumeisho ge'edduka mpango omukiyembe. Atyo ataahamu kugura amaizi hamwe na cake.
Zikaba zirishaha mushanju zeihangwe. Kuyahikyiremu,abugaanamu omwishiki murungi munonga,atyo amwenderaho Kahonaho. Nangwa nomwishiki yaba mubi amuhereza obwire okwegambaho.
Ekyi,Byenaku akakyikora arikwijuka ebigambo ebi banywani beye Byondo hamwe Na Kahonaho ababeire nibakyira kumugambira bagumize bati:
"Toeonda omukazi okashwera? Many a enaku yokufa kw'omukundwa waawe obuwabeire okyiri omukyaro terahweho otakabwiine omukazi?"
Omwishiki ogu,akaba nashushana na Keirungi,ekyatumire nangwa Byenaku yamwegomba munonga.
Amubuuza ati:
"Eiziina ryawe nibamweta oha?"
Reero nakamwenyo aha matama,amugarukamu ati:
"Nibanyeta Rita."
Byenaku amugarukamu ati:
"Bashemererwa akukumanya Rita,nyowe nibanyeta Byenaku.Nimbasa okukumanya okukyiraho?"
ago Rita amugarukamu ati.
"Ekyorayende."
Mbwenu ahabwokugyira ngu bombiri bakaaba baine obwiira,bagabana enamba zesimu bury'omwe akwata ogwamureeta.
Nobu Byenaku yagyiire omu motoka ye,omutiima tiguratereire,ahabwokuba ekyishushani kya Rita kyikaguma nikyimwija omumutwe,nangwa arikumushwaniriza na Keirungi.
Nikwo kuvuga akagyenda konka atatereire omutima.
Omwebazyo ogwo,Byenaku ayenda kubugana Rita. Atyo amuterera esimu ashanga nawe ayetekatekyire okumubugana.Nikwo kumugambira ahar'amuahange.
Konka Rita akaba ayiine ahuyabeire nayenda kuza nikwo kumwongyerayo orynaku owabeire nirukurataho.
Mbwenu ekyokumubugana kukyayangyire,basharamu aza kubugana banywani beye Kahonaho,hamwe Na Byondo,okubagambira Ku abqiine omwishiki wokushwera,konka akyayenda kumwetegyereza. Atyo agyenda aza owa Kahonaho ashanga ayebyamiire.
Bwanyima y'edakiika nkye,Byondo ayija ajwaire nkorikwenda kuza omwiguru. Akaba ajwaire nkabatezi bebidongo,kandi akakofira ke kakaba nikasika buri mwishikyi owabeire agyira ekyeyengo.
Abagyira ati:
"Haa manya ndikuza kubugana omukundwa wangye."
Boona bashemererwa,ahabwokuba kyikaba nikyibashemeza.
Kahonaho abagyira ati:
"Haza nangwa emyaka eyitutwire hamwe kweri,ninyenda ngu turonde orunaku abakundwa beitu tubete ahakabaga tumanyane,kandi nano batumanye."
Reero Byondo amugarukamu ati:
"HaA nangwa nikyirungi okumanyana. Mbwenushi nomanya nkahati nabugana omukundwa waawe nimbasa kumurabaho ahabwokugyira ngu tundikumumanya!!"
Boona batandiika kusheka kandi beikyirizana.
Atyo Byondo ayiruka agyenda kubugana omukundwa weye.
Bukaba buri omukiro munonga,haza nangwa omwishiki akaba nayenda kushanga Byondo omuka oweye.
Byondo atyo akaaba omukatare agura byoona eyabeire nibyetagyisa.
Kuyahikyire oweye,ashanga enju eyigwire.
Atandiika kushoberwa.
Kuyatahiremu,ashanga omwishiki weye ashutami ariyo nayekoraho.
Atyo agaruka amunywegyera.
Kemi akaba ari omwishiki abonwire munonga,kandi hoona akaba nakunda abatsigazi ababeire bari aha muramwa kandi barikunywa namarwa. Byondo amugyira ati:
"We are kwija kimuri kyangye."
Ori amugarukamu ati.!
"Ninye nakyira."
Mbwenu Kemi akaba atakabyamahoga na Byondo,ahabwokugyira ngu akaba atakamukunda munonga. Ekiro ekyo,Byondo amanya ngu mbwenuho natekwa okugyira ekyiyayegasira.
Byondo akaba nayenda ngu aije ashwere Kemi konka kandi noshusha Kemi tibyo yabeire ariho.
Mbwenu abasheija barikukunda kukwata kwata. Kemi kuyabeire ariyo natebekanisa ekyokurya,Byondo we akaba ariyo naronda esimu omunshaho ya Kemi. Kuyabeire yeigura eshaho,ashangamu emibazi nyingi, Agyira okutiina. Atyo atandiika kugyetegyereza.
Ahabwokugyira ngu Kemi akaba aboneire,Byondo akaba natekateka ngu ayiine abandi abasheija.
Atyo amweta amubuuza ati:
"Ebi nebikyi?"
Obwe ariyo abikweitse omungaro.
Kemi amugarukamu ati.
"Wabyiyahe?
Byondo aguma mamureeba nkekishushani.
Reero Kemi aruga omumbera atandiika kumujuma.
Agumize ati:
Nkakugyira ngu oreke kundondora,omunshaho wangye waba noyendamuki?
Emibazi egi nkaba nakugyizire ngu ney'omutwe konka tokahurira."
Byondo amugarukamu ati:
"Nonyeta omushema?egi emibazi teyokutangyira enda?
Kotabyama nanye,iba norya eyaki?
Nogyira ngu buriya kunatwireho  obujuma bukye owomushaho taranshobororeire?"
Atyo agyira ekiniga.
Kemi tarabasize kweshengyereza,nikwo kumugyira ati:
"Kuruga erizooba, onyesasire.ebyangye naiwe byahwera aho."
Atyo amusikuza eshaho ye akwata omuhanda ayegyendera.
Reero Byondo nawe ayehamya namugarukamu ati:
"Ogyizire ngu niiwe omwishiki wenka?rooko ogyende."
Atyo ayebyamira.
Kemi akaba ayiine amatsiko maingi Ku ayiine omushaija we Kahonaho kandi kwayiine esente nyingyi,kandi Ku ayiine abarikumwenda baingi. Nikwo kukwata omuhanda akegyendera oweye. Nobu yabeire ayegwire emibazi,akaba yatamirwe kuguma na Byondo,ari kuronda oku aramurugeho kubuzire.
Aho,akaba atarikumanya ngu Byondo nomukozi wa Kahonaho,kandi Byondo nawe akaba atarikumanya Kemi Ku nomukundwa wa Kahonaho.